今早去到茶餐廳，老闆話大件事，佢昨日睇到新聞，有一個人由於入息不符合銀行要求，所以在申請時虛報收入，後來銀行發覺報警，那人已經立刻還清所有銀行欠款，但仍然被控欺詐，好彩最後冇事，只判緩刑，老闆個仔較早前亦用同樣方法向銀行申請按揭，現在已經供緊樓，佢擔心銀行突然追究，佢個仔會被控欺詐，我話少擔心，最簡單方法就是立刻加佢個仔人工，而事實上茶餐廳又有錢賺，左手交右手而已，如果唔想加人工，叫太子仔準時還分期，銀行有錢收就唔會搞咁多嘢。

　　老闆這個問題很易解決，但另外一個就很難，現在新樓推售，不少地產商都會用回贈方式，仲教買家去銀行申請貸款時不要提及回贈，他們亦會配合，所有回䁬都會在銀行正式批准按揭貸款之後才發放，有報導說，銀行為了多做生意，會隻眼開隻眼閉，現在政府要求地產商列明所有回贈，那些向銀行貸款而又沒有申報的人算不算犯了欺詐罪，老闆這個問題是大塊文章，法庭已經有了判決，初犯可以緩刑，再犯者可能要坐監，買樓買到要坐監的確是世界奇聞。