昨晚家宴，客人陸陸續續到達，在未開始之前，大家傾吓閒偈，有客人話近日小假期，市面不知幾旺，尤其是尖沙咀一帶，有很多國內人打咭，我亦問過公司租客生意如何，答案是非常理想，做生意的人明白，明明生意好都話唔好，有逆天意，個天都唔會幫。

　　有客人話執笠關注組冇做一件事，就是冇迫到政府不撤辣，他們可能認為政府撤辣都冇用，樓價會繼續下跌，愈來愈多舖頭執笠，一念之仁，令到政府以為冇人反對撤辣，來一個全撤，令到樓價可以從低位反彈，客人同意我的預測，樓價會在第二季反彈一成，樓市旺，執笠的舖頭就會減少，不但如此，已經有不少過江龍虎視眈眈，吉了的優質舖位很快就會重開，情況就好似新樓盤，香港人唔敢買，內地人買，現在去到新樓售樓部，以為自己去了北京，很多人講普通話，講到呢度，大廚話準備好，家宴開始，第一道菜是金錢蟹盒，侍酒師亦配好酒，用餐愉快。