政府應放寬首次置業者貸款

政府早就應該取消SSD, 以及將貸款主動權還給銀行, 樓市就不会出現怪胎現象 - 价升量跌, 你估抄股票咩, 收乾貨源再隊上去!

To: 2/F

由于政府收緊按揭 , 我同意政府应该為月入10 - 20 萬嘅家庭提供 > 1000 呎市区公屋 (连會所) , 或者每月2萬租金津貼

多年以來，地產財團早已覬覦新界東北，在區內購入了大片土地，根據未來市場形勢，自行發展物業出售，或與原居民合營，齊齊賺錢。從經營角度，它們必然不願意讓政府拿着「尚方寶劍」（《收回土地條例》）將土地拿走，所以，地產商一開始便是此計劃的最大反對者，只因為政治形勢敏感，一直保持低調。

過往港英政府之所以能成功發展新市鎮，靠的是無上權威，以及與鄉事勢力的互利關係，藉此順利收買大片土地。但今時今日政治形勢已變，新政府上台後頻受折騰，風波不絕，民望江河日下，弱勢已成，實難與來勢洶洶的反對力量抗衡；再加上負責高官打政治仗的功力有限，例如陳茂波一早明言賠償比菜園村多，期望管理極差，上周六諮詢的亂局也顯示政府應戰的戰略失當。如此下去，政府只能步步退縮，最後陷於泥沼，進退兩難，結果與「國教」同一命運。

1. 我愛人民幣力量2012-09-27 10:58:37

QE3=超級通脹，美國未來10年都好難加息，發了咁多債，點會想還高息！歐美日現在已聯手印廢紙到世界各地購買實物資產，港元只會跟隨變廢紙，人民幣兌港元將持續上升，大陸資金購買力將大幅提升，資金必定流入香港樓市，包括住宅和商業樓宇。
現在冇樓或只得一層自住樓的必然會變成輸家。只有樓和貴金屬才能對沖甚至跑贏超級通 脹，中原CCL指數3年內好大機會升至180點，即比現在上升約70%，租樓住的必然首當其沖成為業主奴隸，因為未來幾年隨著舊租約到期，業主必定瘋狂加 租，再加上物價飛升，這些租樓住的人將會向下流變成窮中產甚至低下層。得一層自住樓的也不會好過，因為隨著通脹和租值上升，差餉、地租、管理費、維 修...等各樣開支也會大幅上升。
所以現在應該盡能力買多幾層樓，才能有效對沖超級通脹，由輸家變成贏家，這樣才會有好日子過！

這對月入二十萬的夫婦,幾年前肯買樓自住的話,現在己經住在幾千萬的豪宅,現今要住幾百萬單位,倒不如紆尊降貴,搵一萬蚊個月的工作,申請住公屋罷了!

買磚頭保值,是民間智慧,就算樓價大跌,都有地方住,可以生活下去,不似那些所謂股票,公司業績長期虧蝕,股票變成牆紙。很多人炒股票弄到傾家蕩產,家破人亡,數不勝數。

傻瓜，為什麼一定要買樓? 20萬個月，拿10萬出來租樓，不可以住豪宅嗎???

買樓做一世樓奴，有什麼意義??? 一生人幾十年命，為了一層樓，根本不值得。就如內地人小沈陽所謂「一閉眼，一開眼，一天過去了，一閉眼，不開眼，一世過去了。」

為什麼要為地產商打工??? 為什麼要為香港政府打工??? ??? ???

如果香港政府不收普通住宅地一尺5000 - 6000 的價錢，樓價又豈會 萬多元 一 尺???

梁振英同陳茂波根本極有可能 就是 趕著製造泡沫的難兄難弟。

一見人哋話租屋好定買樓好，就想到年幾前 83010278301027 兄發表嘅文章，我抄一段仔出來，睇吓佢點解釋呢件嘢。

4. 供30年樓係樓奴
我寫包單，講得出呢句說話既人學歷不會超過小學6年級。世界上所有銀紙現在均以每30年跌95%的速度貶值，簡單來說，30年後港幣的購買力，和現在的日圓差不多，即是說，今日我借港幣100萬，還到第30年就變左100萬yen。當然，中途你係有不斷供款，但你每期供款的購買力都會貶值，變相你可以用貶值後的貨幣購買未貶值的資產。幻想一下你可以用今日既身家，坐時光機回到1980年買當時既樓。因此，30年的供款期內，供款壓力係會越來越低，因為你的債項不斷貶值。頭10年是最艱苦困難的，中間10年可以有閒錢去下旅行，後10年供款比飲茶錢還要低。
結論：供樓係會越來越輕鬆

5. 唔買樓可以租
供樓壓力會隨時間減弱，因為你用未來貶值後的錢，去還今日未貶值的錢。但租金就相反，你一定要用當時的錢去還當時的錢，即是說，當供款金額固定下來，租金卻係會隨時間不斷上升，例如貨幣每30年下跌95%，租金就會同樣以每30年升20倍的速度上升。當然，這是假設沒有加息。但即使有加息，亦不見得租樓會有著數，因為業主會按成本加租，冇死錯人。
租樓的另一個問題係，你和業主的財富差距越拉越大，假設今天你和業主身家都係100萬，租了2年樓洗左20萬，你的身家變成80萬，業主就120萬，差距係40萬，亦即你現有身家的一半。當然，你投資有道，可以用呢80萬本金賺超過40萬，則另作別論。但假如你唔投資，純做租客，你會白白將日後入市上車既資金送俾業主。租金回報5厘知唔知即係點解？即係話你租20年的話，你就送左層樓俾業主。多謝夾承惠。
結論：年輕人應該同阿媽住，省回租金支出。要2人世界可以租時鐘。

以下係 97 年到現在嘅貨幣供應數據，買或租自己盤算！

特首於 2009年尾，推施政報告上電台解畫，有自稱任職醫生的女士投訴跟任職律師的丈夫合力仍供不起樓云云。

醫生加律師少說月薪十萬，一上車便要買名鑄、天匯當然力有不逮，但要買四、五百萬的樓應該綽綽有餘。

當然，如果硬要投訴一上車五百萬樓三成首期百五萬現兜兜不易負擔，「疑似女醫生」大可以二按借夠九成。

兩口子專業人士如果連五十萬也付不起，我覺得不是特首、政府、香港社會的錯。

就算你過往真的「駛大咗」，今日起才開始儲蓄，醫生入職薪酬計你六萬，律師入職計你四萬，就當你兩個各自要養家、要置裝、要食、要住、要買名牌，一個月加埋都應該儲到三成，一年就儲到三十六萬，年半點都儲到一成首期。

如果兩口子負擔少啲或節儉啲，每月儲到半份糧 (大家唔好忘記搵一萬要儲五千當然 mission impossible，但搵十萬儲五萬就真係唔係好難)，計埋交稅一年都已經儲夠首期。

更重要的是，人生於世「冇咁大個頭唔好戴咁大頂帽」。

即使你唔認同「量入為出」呢種經濟原則，至少都應該贊同由細到大阿媽教你「睇餸食飯」。

如果真係負擔唔起，買遠啲買細啲先上車又何妨。

新界區如果肯俾到四千蚊呎好盤已經多到暈，兩口子買個八百呎大單位三房兩廳兩厠所寬敞到翻筋斗都得。

四八卅二都不過係三百幾萬！

你話新界區唔得喎唔近番工(我又真係唔知原來咁多醫生番中環，新界咁多區冇醫院嘅)，咁奧運站算係九龍中心啦，呎價七八千好貴咁你咪揀五六百呎囉，兩個人，其實五六百呎兩房可以接受啦，五百萬埋到單都算係咁。

俾得起首期，之後供樓就更容易。

Mortgage 此東西，你嫌供得多可以供耐啲，供夠三十年，每月供幾萬，頭幾年要供二按自然辛苦啲，但疑似醫生和疑似律師年年加薪，過得六、七年兩口子搵成十幾廿萬一個月，足夠換幾次樓。

至於名鑄、天匯此等豪宅，人哋起出來不是預算你兩個「區區」專業人士買的。你們買不起，合理過合理，有甚麼好投訴。

好比投訴百幾萬一個手袋你係醫生都買唔起。大姐呀，你「區區」醫生學乜鬼人買百幾萬嘅手袋先得架？你買得起，甘比、呂麗君、陳振聰太太買咩呀？

此女打電話上電台插特首無疑其志可嘉，但人頭豬腦、見識淺薄、吹水唔抹咀未免丟人現眼。

所以，港女有心人，奉勸你下次吹自己係銀行從業員，話金融海嘯後生意難做，老公做 big-4 又要放 no-pay，而家連銀行低息做 Mortgage 俾 staff 你哋都冇信心買樓，繼而投訴政府呢樣唔好、嗰樣唔好，咁咪 re 啲囉。

當狠來了聽得太多時，由半信半疑變成跟大隊入市，最慘的是由不相信了四五年，到現在忍不住跟風入市的人。

因近日樓市大升，特別是居屋和公屋的售價，是由於政府推出 5000 白表 居屋政策引起，為平息風波，政府應 即時 取消此項 弄巧成拙的政策，令樓價回落至 此弊政之前。

反正特區政府很多政策都推倒重來，這項也大可以照做可也，為民生也許是一德政。

20樓，就係呢攤嘢反應出乎意料，而家政府出手更步步為營, 船頭驚鬼船尾驚賊，有時見到呢個死局真係無耐到極.... 不過，雙非、無限期押後一簽多行等政策總算是快、準、狠，只是樓策始終是較複雜及長遠...

現時樓價之高不單令首置的市民上車無望，對一般小業主亦不是好事，物業賬面是昇值了，但除非是不打算改善生活，換大一點比以前困難得多（因收緊按揭付上更大成本），人工又追不上，最後都是原地踏步，當然，比未上車要付租金是較幸運...