主頁 / 按揭文章 /

H按年代告終,銀行為甚麼出售H按業務?

瀏覽人次:57155    回應:39

文亮言

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 湯文亮 2011-11-17 12:26:41

各位早晨

 

總人次﹕7,133

 

昨天晚上,有出版社打電話給我,希望取得CY若果不能做特首,是否因為DTZ的版權?我已經拒絕了他,我說﹕「我連自己寫甚麼也不知道,每天我要看回應才能決定故事去向,其中亦可能令我得罪很多人,出版的事,待我將故事寫完再商討」。

 

各位的回應的確對我有很大幫助,我秘書每天會幫我結算人數,請多作回應,多謝。

 

2. 雷曼H 按 2011-11-17 13:12:53

香港人最大既優點就係"咪執輸"心態, 一窩風式去做一件事情.

但針冇兩頭利; 當收到新銀主要加息時, 才發現銀行把自己物業按揭出售給別人的時候, 為時已晚. 那種被 "出賣" 的感覺又不能對人說,怕被人嘲笑. 真是啞子食黃蓮, 有苦自己知.

出得黎行, 遇左要還, H 按 有如雷曼債券, 未來一年又不知要死多少人矣!!

 

3. Property owner 2011-11-17 13:30:00
Professor Tong - Let's flip the coin, to whom the H mortgages will be sold to?  Could it be to a government agency as a risk management process to strengthen the "health" of the balance sheets of banks in the event of market crash?  Just a thought.
4. 木子 2011-11-17 13:51:21

大智慧往往是最簡單

人棄我取, 巴菲特的話沒有多少人聽入耳, 老生常談, 當別人恐懼時就要貪婪, 實質沒有多少人可以做到, 正如博士及一些網友前輩提過, 樓市沒有瘋狂, 那會有滅亡式的大跌

之前一段時間(2009-2010)大叫樓價很貴的朋友, 很好奇有幾多人在現在夠膽入市, 說白的, 都是人有我有心態, 市升就追, 反而現在就失踪

再過不久, 尊貴的議員就會收口, 由反高價賣地, 到及對向地產商賤價賣地

無他, 香港人是善忙的... 

5. 王先生---TO 浩氣長存 2011-11-17 13:56:27

文章重溫:「淡友的9大誤解」 E-mail 此主題給朋友

[按此打開]
每逢有死人冧樓,都總有一班酸友淡友拍手稱慶。我驚奇地發現,小弟數月前寫的一篇拙文,時至今日一樣通,而且真理越辯越明,因此再post一次和大家分享。

好多酸友淡友唔知樓價大幅下跌的必要3大條件,即:
1. 銀行閂水喉
2. 高失業率
3. 高利率
只要此3項條件不同時出現(強調係同時),即使世界末日香港樓價都唔會大跌。

1. 有利淡消息,業主一定要賤賣
我做過一個有趣實驗,各位可以跟我一齊做。我試下問公司幾個住公屋未買過樓既淡友,而家供樓利息係幾多,可能我既同事都係arm arm赤柱放監出黎,竟然冇人答得出,有一兩個就答3~4厘,最離譜的一個答5厘,但能夠答0.9~1厘既,係一個都冇。
沒有準確的利率訊息,當然會對市況作出錯誤的估計,亦不會知道現時業主的供樓壓力是何其低。我一再強調,市場出現大量劈價盤的原因是大量業主供唔起樓,只要有能力供,業主會選擇一動不如一靜,因為賣了樓轉租同樣係支出,而且租金遠超實際利息支出,毫不化算。以我住的貧民區屯門市中心為例,月供6000,利息佔1500,但租金就要1萬,即租金支出=利息支出的6倍左右。劈價賣樓後每月的財政壓力會大4000蚊。因此,自住樓的業主都會選擇繼續月供6000,其中1500當係交租俾銀行,4500當係儲錢。
窮鬼業主係呢一刻反而冇能力劈價賤賣,唔係唔想劈俾你。

2. 炒家止賺就叫劈價
呢一兩日我有去地產舖問下有冇筍盤,結果係得個桔。唔係話冇業主減價,而係減完都仲比9月份個價貴,點入呀?
報紙仲搞笑,炒家入貨310萬,叫價410萬,新招後減到385萬就叫「劈」,足足叫高75萬,即原價的25%都叫「劈」!情況就好似一個次次考第一既高材生,測完驗你問佢識唔識,佢話考得好差,你以為今次仲輪唔到你唔合格,點知一派試卷,先知高材生拿99分,99分係佢黎講叫考得好差。
而所謂撻訂其實係新入貨炒家眼見6個月內冇可能升15%以上,在沒有盈利希望的情況下離場止蝕。實際上真正用家在新招後都繼續買樓。

3. 所有業主都可以隨時劈4~5成賣樓
信不信由你,係呢一刻只得有錢佬才有能力劈價3成以上賣樓俾你。原因好簡單,劈價4成我就要抬1成樓價先可以貼錢賣層樓俾你,你欣賞我層樓我貼俾你冇乜所謂,但問題係好似我呢d咁既窮鬼真係冇幾十萬抬俾你。
抬錢賣樓既動機就係,借私人貸款的利息,比供樓利率低,抬完錢反而可以節省利息。但現在暫時供樓利率仲係低,抬錢賣樓冇乜著數,大家可能要等一等。

4. 全港業主PK,我可以獨善其身
很多淡友希望樓價跌,但目的唔係想趁低入貨,而係想睇業主PK,見到有人負資產燒炭食二手飯佢地就會亢奮,說穿了,其實就係心地唔好,損人不利己。
但話時話,如果有一日全港業主都PK,失業冇收入供唔起樓,淡友就可以全身而退做一個食花生既旁觀者?如果係咁天水圍公屋就唔會悲情。訓天橋底既陳伯就係天下最幸福的男人。
事實上,要全港業主一齊PK,香港經濟一定出現嚴重問題,全香港冇人可以冇事甩身。淡友想業主死,但淡友本身自己都要死,仲可能係死先過人。當然,淡友既目的唔係想改善自己生活,由頭到尾都只係想人地同佢一齊PK,所以只要有業主陪佢一齊燒炭佢就覺得賺左。

5. 我冇能力買樓,所以樓價太高
坦白講,我都唔明點解有人會用1萬蚊一呎買樓,但唔明還唔明,有人真係有本事買,首期俾4百萬,月供5萬都供得起,証明人地有本事搵錢多過我,我買唔到1萬蚊樓係我廢,而唔係樓貴。
一再強調,自願的價就係市價,就係合理價,買唔起係人既問題,唔係個價既問題。你唔係身處那個圈子/階層,你不會明白那個圈子階層的人一個月搵幾多,如果你用自己的能力去衡量別人的負擔,一定出錯。

6. 炒家撻訂,我有著數
好多淡友睇報紙見到炒家撻訂,覺得炒家抵死,心都涼晒。但可能佢地未買過樓唔知乜野叫撻訂,撻訂D錢去左邊個度又唔知,總之有人唔見錢就最開心。事實上樓市係zero sum,有人賺錢就有人接貴貨,有人蝕錢就有人執筍野,d錢唔會唔見左,只係會由傻仔度轉移去叻仔度。炒家撻訂,一方面係炒家蝕錢,另一方面睇,係業主無啦啦賺左,d錢唔會落入淡友或買家度,係全數落入業主及agent,我唔明白業主多左錢駛淡友點解會開心。現在情況係,一方面冇實力炒家撻訂,另一方面實力用家、長線投資者創新高呎價,被撻業主錢多左,持貨力增強,個市更加難跌。呢一樣野未買過賣過樓係好難明白。長期淡友一定會誤解。坦白講,如果每次賣樓買家都撻我訂,一年撻一次我已經可以退休唔駛返工。
另外,我做過agent可以講多一樣野俾大家聽,agent的其中一件工作,就係行家(另一間公司)做到成交後,會話俾業主聽賣平左,然後話俾買家聽買貴左,撩佢地撻訂,保持客源盤源。更過份係,正常成交係2~3個月後俾佣,撻訂就即時俾,因此agent係有動機撩自己的客、業主撻訂。對於agent黎講,最理想的環境就係每一單都有人撻訂。

7. 炒家會感到痛苦
任何一個在2009-2010年出入過3次貨既炒家,起碼賺100萬,同一時間持貨50件的大炒家,身家最少5~6億,單係2010年的收入已經8位數字,呢d人既字典入面,只有幸福,沒有痛苦呢2個字。(美孚大炒家97,03,08乜都經歷過,有咩世面未見過?)點解人地撻40萬都撻得起?因為冤枉黎瘟疫去,賺左幾球野,蝕40萬當捐錢。淡友只係睇到炒家撻訂蝕幾十萬,冇睇到人地之前賺既錢已經夠退休。若果淡友既目的係睇人痛苦,好對唔住,對象唔應該係數緊銀紙既炒家。(我做過agent,職業炒家幾錢入貨幾錢化妝幾錢出貨一年出入幾多我好清楚,信不信由你,炒家呢期係嫌賺唔夠,冇得再玩)

8. 冇炒家樓市升唔起
炒家炒高樓價呢個誤解唔單只淡友有,甚至連好多業主都有呢個誤解。事實上,炒家係經常創出屋苑呎價新「低」既人,有睇開樓既人都會發現市場突然會有平10~15%既成交,唔知道呢d就係agent炒家鋤價既成果。地產代理每日既工作之一就係鋤價餵炒家,因為一般玩開既炒家冇即時水位都唔會入貨,父子都冇情講,好多人以為炒家用市價入貨然後mark高黎賣,大錯特錯。代理日日鋤價,部份分行會獎勵鋤到價既agent,鋤低過市價10%的話,即使手上冇炒家,同事成交到一樣有10%佣份。因此,係炒家出沒既屋苑入面,經常會有一股睇唔到,但實際存在既樓價下跌壓力。每一個業主(用家)要出貨時,都會俾agent試探性地鋤一輪摸底,企硬唔俾人鋤既業主可能放盤成個月都冇人睇樓。
另一方面,由於炒家有入就一定有出,令市場長期處於供應充足,樓價上升有壓力。Agent為搏獎金(其實係犯法),專谷炒家貨,正常用家業主要同炒家鬥就只有減價,坦白講用家業主真係多得炒家唔少。
樓價升跌係經濟大圍環境影響,市升,用家盤一樣會升,市跌,炒家一樣有份。炒家只不過係將物業的實際價值在短時間內反映,因為最終接貨都係用家,用家自願付出的價位,就係市場合理價。
冇左炒家會點?好簡單,agent鋤價的動力、動機會消失,因為鋤到好價,都係益左自住用家,自住用家唔會俾獎金,買左又唔賣,倒不如唔鋤價,佣係用買賣價計,唔鋤價做少d反而高d佣,鋤黎做乜?我可以好肯定,業主冇左炒家鋤佢地價,一定放肆心雄。
炒家係市場生態學上,屬於獅子老虎的食肉型,佢地一消失,原本俾佢地食住既鹿、牛、馬等草食型用家業主,就會坐大影響生態。受害既係準買家!
鋤到價買家唔會俾著數agent(俾都唔夠膽收),但做高個價反而可以收多些佣,agent今後既方向好清楚,橫掂以後每單deal都係one night stand,點解唔去盡?
冇買過樓既淡友唔知業主諗乜。同樣,冇做過代理亦唔會知佢地諗乜。分析樓價升跌既人就多,但分析負責做deal既agent,真係只此一家。

9. 長期睇淡最安全
外國諺語有云,一個停止了的時鐘每日都會有兩次報時正確。長期睇淡會令人有一種錯誤的安全感,覺得自己只要堅持,總有一日會正確。我唔想討論樓價升跌,只係想問一句,係香港冇公屋冇綜援,退休後可以靠租樓度日嗎?就算你有錢交租都唔會租俾你,因為驚你拉柴影響樓價。社會就係咁現實,又老又冇樓,連仔女都會睇唔起你。大部份人買樓唔係想炒,只係想俾屋企人一個家,以及老年時能夠活得比較有尊嚴,唔駛好似動物咁住係個籠入面。20~30歲個個都以為自己大把時間大把機會,實際上人生已過了1/3,你唔計劃未來30年,社會就會幫你計劃你既人生。淡下又10年,淡下又10年,人生有幾多個10年俾你睇淡?

我心知肚明,淡友睇呢篇文睇到最多一半一定睇唔落去,即使佢地睇足全文,都唔會覺得自己有問題,仍然繼續淡落去。但我建議從未買樓的長期淡友可以去SSP的籠屋睇下環境,橫掂第日自己都會搬去住,早d適應下冇壞。當一個人唔介意自己的結局就係好似動物咁,仲有咩野好講?

[ 本帖最後由 83010278301027 於 2011-3-17 07:34 PM 編輯 ]



6. 木子 2011-11-17 14:02:01

引述之前網友前輩提過:

九肚山地: 政府送了幾十億比黃字長

油街地: 政府送了幾十億比里家成

南昌地: 政府送了幾十億比角姓家族

大家估下下星期拍板的荃灣地, 誰人在地上拾到幾十億?

7. 王先生 2011-11-17 14:05:02

上述文章係一年前有網友發表,依家仲有效!

供浩氣長存兄參考!

8. 70後 2011-11-17 14:10:12
點解香港銀行唔發行香港樓按嘅債卷呢?  賣返比鬼佬, 唔好話回報, 但一定比美國佬啲迷債什致國債穩陣得多.
9. 木子: To 王先生 2011-11-17 14:12:59

很幽默的 <貧民區屯門市中心>

陳婉嫻問唐英年的問題, 也令我自己知道完來我也住在貧民區沙田...

將軍澳按地圖看 (不是長實的地圖), 也是貧民區, 因為在新界區...

10. 王先生 2011-11-17 14:37:07

木子兄----嗰段嘢唔係我寫,但我 100 % 同意拒!!  
       
致於嗰两幅限尺地,政府俾 20 億過發展商使差唔多,我估新X界有機會執平貨!

11. anggie T. 2011-11-17 15:02:51
Too good Mr. Wong No. 5)
12. Hongkong People 2011-11-17 15:16:45
Agree with Mr. Wong.
13. 外国工作港人 2011-11-17 15:20:11
5 楼王先生的转载非常有启发性,值得深思
14. S 2011-11-17 15:21:24

如果有銀行以此方法對(按時供款的)自住客,

相信銀行的企業形象會盡毀, 客戶可能會集体杯葛它!

15. CD ROM 2011-11-17 15:23:31

多謝王先生, 好文章值得一睇再睇. 不是針對人, 凡是能從多面睇, 總是對自己有好處. 引用金鏞先生小說一句:

知己知彼, 百戰不殆 (唔知有無寫錯字...)

小弟十分喜歡湯博士, 其他師兄引經典故去說理~~~

16. 湯文亮 2011-11-17 15:33:03

TO: 王先生

 

寫得非常好,今次給您出盡風頭,一笑。

17. 来自内地 2011-11-17 16:18:40
王先生的文章真棒,准备好好学习一下,加深对香港楼楼市的了解
18. ABC君 2011-11-17 17:05:14

5樓王先生:
看了三遍。有相見恨晚之歎!!!

建議你每三個月post一次。未看的一定要看。看過的可以重溫。

19. 亞Q 2011-11-17 17:07:47
王先生轉載的文章客觀地道出一眾淡友酸友心態,好!
20. 亞Q 2011-11-17 17:10:44
更正 : 是王先生寫的文章。
21. 80後小小業主 2011-11-17 17:47:28

5樓王先生

您的文章真是十分風趣之餘。

亦令我對炒家加深了認識。!!

給您一個讚。

22. 80後銀行從業員 2011-11-17 18:08:40

王先生一文相當精彩, 尤其6-9點, 分享經紀營業之道, 於小弟甚有裨益. 

湯博士說得對, 有個別銀行由於按揭業務佔比重太高, 出售H按揭資產主要是為了想Off-balance sheet, 即將按揭資產從銀行資產負債表上剝離, 從而降低存貸比率(Loan to Deposit Ratio). 參考金管局數據(圖表1), 截至今年9月港元存貸比率為86.6%, 所有貨幣合計則為68.7%. 相信此數字已相當接近高位, 未來會有所下調.

圖表1: Loan to Deposit (Sep 11)

http://www.hkma.gov.hk/media/eng/doc/market-data-and-statistics/monthly-statistical-bulletin/C06.xls

另外, 圖表2是截至今年9月的M3供應量及本地貸款, 雙雙呈現按年計下降態勢. 其中本地貸款按年增長從8月的21.2%急降至9月的14.8%. 和我之前預計一樣, 到了12月應跌至只有單位數字增幅. 金管局亦有效地控制了貸款增速過快問題.

圖表2: Money & Credit (Sep 11)

http://www.hkma.gov.hk/media/eng/doc/market-data-and-statistics/monthly-statistical-bulletin/C01.xls

說這些技術性的東西, 其實只是想指出一樣東西. 銀行放貸其實和商戶賣貨一樣, 亦要遵從供需定律, 當放貸不被鼓勵甚至要壓抑時, 取得貸款的成本只會增加, 貸款的成本只有利息一樣, 所以銀行3季度開始加息是合理的營商之道.

至於明年怎樣預測? 工商貿易進出口放款需求弱, 內保外貸的跨境業務亦直綫下降. 在風險管理考量下, 按揭生意會重新成為推動, 在銀行競爭加劇下, 不難想像減息是手法之一. 但未必會再推H按, 只會推P按, 而且空間大約在0.5-1%之間. 即由現在P-1.75%至P-2%降至P-2.5%至P-2.75%. 但是H+0.7%的按揭利率應成為歷史.

另外, 淡出H按有一重要意義, 就是銀行間預期低息會維持相當長時間, "相當長"是多長? 我見最樂觀的銀行估計是2015年. 如果說Hibor 4內年都在現水平左右徘徊, 業主的持貨力如何? 可見一斑!

23. 法子 2011-11-17 20:15:33
To: (5) 王先生

我同意你轉載的講法。

法子
24. 2011年開始 2011-11-17 22:24:52
多謝王先生轉載分享,正。
25. 仲達 2011-11-17 22:51:39
5樓王先生POST的文章實在抵死到肉,發人深省,即使不是出自閣下手筆也感謝你的轉貼,希望將來能繼續拜讀閣下傑作!
26. 小小業主 2011-11-17 23:31:45
To 5樓王先生, 睇完您的文章, 我想講句: 爽! 撐! 讚! 事關我亦曾是 agent, 至今手揸幾層樓收租老實講多得炒家唔少, 因為當年有板我睇, 便有樣學樣, 加上好彩, 就係咁簡單! 睇見有d人明明有$買得起樓, 但卻冇膽, 聽d所謂專家淡友豬嗡, 錯失良機, 有時真係唯有講句: 時也命也!
27. 悟空 2011-11-17 23:35:59
繼湯生之後,我又多了一個偶像,王生,加油啊!攞多些好嘢給大家看吓,獲益良多!
28. 好文章 2011-11-18 01:10:59
王生POST的文章很精彩, 很了解社會的人生百態, 多謝王生 
29. For #5 2011-11-18 05:34:05

Points 1 & 3:
Fine if a property's price does not fall below its o/s mortgage amount. Otherwise, do you believe that the loaner bank will not take action (particularly under a situation that one has to cut the selling price by 40%+ to seek buyer as assumed in Point 3)?

 

30. 王先生 2011-11-18 08:37:56

買樓10大誤解 (好文重溫) E-mail 此主題給朋友

[按此打開]
重溫數字兄精彩文章 (11-11-2010)

每次睇完都有新領會...... 勁

http://finance.discuss.com.hk/vi ... p;extra=&page=1

1. 我可以係跌市買樓
一再強調,大跌市時雖然樓價平,但買樓第一炮所需的資金唔會按比例大幅減少。大跌市為何會出現?因為有大量業主賤價割愛。為何賤價都要賣俾你?因為冇水。冇水點解唔問人借?因為銀行閂水喉。大家必須記住,大跌市的出現,一定配合銀行閂水喉。如果好似而家咁,打2個電話就借10萬,點解要賤賣層樓俾你?因此,在大跌市時買樓,你必須有心理準備估唔足價,同埋連7成都做唔到。例如200萬跌剩100萬,但銀行只肯估80萬,兼只肯做6成,那麼你就要嘔52萬。如果你係諗住用10萬經MC上呢個100萬盤,可以返屋企訓覺。
還有,要係大跌市時買平樓,你要有好多現金。我強調係現金,唔係股票或其他需要變賣既資產,因為你既股票係大跌市時一樣會下調。
估價8折做6成,係非常樂觀保守的估計數字,事實上,在08金融海潚時,部份銀行在簽按揭契前突然終止申請,1成會都唔俾上既個案真係發生過。另外,除非閣下係公務員,否則在大跌市時好難保証收入不會下跌。
結論:你需要持有目標樓價50%以上的現金。

2. 樓價一定會下跌
樓價在短期內有上落是事實,但另一個更重要既事實係,以30年為觀察期的話,樓價只會上升不會下跌!03沙士價是香港近十年最低價,美孚的03呎價約為1600,但1600這個賤價仍然係美孚入伙價的10多倍!事實上,某時期的低價,通常都會比上一個時期的高價還要高。等樓價爆破的朋友,要有心理準備爆破後的樓價和今日的價其實差不多。
因此,如果你係用家,諗住長住20~30年,只要供款係能力範圍內,就算97年買樓一樣冇問題,因為樓價升跌不會影響你一早已計劃好既供款,20年後樓價一定會超過買入價(請對比1983及2003的樓價)。
結論:以20~30年長線睇,樓價一定升。短期升跌只係為炒家而設。

補充:
有人質疑為何要用過去30年的升幅去推論未來30年,並表示香港的經濟發展已到頂,沒有可能重覆過去30年的升幅。
首先要搞清楚一樣野,就係物價的上升和經濟的發展不一定有直接的關係,事實上香港今天的經濟規模雖然比1980年時大,但沒有大20倍那麼多(我指實際上,不是數字上)。「物價上升=經濟發展」背後,最重要的因素是「金錢的產量是按經濟發展的需要而增加」,例如10個人的勞動力產生了10件衫,社會就按這10件衫的價值(假設每件$10)製造$100的貨幣,分配給付出勞動力的10個人。社會因為有新增的價值(10件新衫)才去製造貨幣,因此「物價上升=經濟發展」。
但現實是殘酷的。自從上世紀70年代美國單方面脫離金本位後,全球的貨幣逐一跟隨,今時今日世界上所有的貨幣背後均沒有實物支持,純依靠政府的信用進行發行。貨幣脫離了黃金的約束後,製造貨幣可以和經濟發展完全脫勾,經濟好時固然可以加印貨幣,經濟差時更加要印。全世界現時在「沒有新增價值」的情況下,卻可以以火箭升空的速度加印貨幣,結果是經濟沒有大幅發展,物價卻大幅上升。製造貨幣的特權階級成為社會的大贏家,製造實物的勞動者卻被社會嚴懲,扭曲了世人的價值觀。衡量一個人的價值,不是看這個人能為社會作多大的貢獻,而是看這個人能夠從社會奪取的資源有多少。
貨幣脫離金本位30多年,因此過去30年的樓價走勢絕對有參考價值。坦白說,今後貨幣的貶值速度能保持30年只跌95%,已經是非常幸運。

3. 遲早會加息
講得呢句說話,即係話而家息平。係人都知遲早會加息,但重點係息口仲平既時候你還左幾多本金?房貸好公道,本金少左,息會按比例減少,係低息環境下你可以好輕易就還幾十萬本金。即使加息,對你的實際影響極微。
結論:趁息平多還本金,點會怕加息!

4. 供30年樓係樓奴
我寫包單,講得出呢句說話既人學歷不會超過小學6年級。世界上所有銀紙現在均以每30年跌95%的速度貶值,簡單來說,30年後港幣的購買力,和現在的日圓差不多,即是說,今日我借港幣100萬,還到第30年就變左100萬yen。當然,中途你係有不斷供款,但你每期供款的購買力都會貶值,變相你可以用貶值後的貨幣購買未貶值的資產。幻想一下你可以用今日既身家,坐時光機回到1980年買當時既樓。因此,30年的供款期內,供款壓力係會越來越低,因為你的債項不斷貶值。頭10年是最艱苦困難的,中間10年可以有閒錢去下旅行,後10年供款比飲茶錢還要低。
結論:供樓係會越來越輕鬆

5. 唔買樓可以租
供樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有著數,因為業主會按成本加租,冇死錯人。
租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。
結論:年輕人應該同阿媽住,省回租金支出。要2人世界可以租時鐘。

6. 生活質素唔可以妥協
好多人唔接受舊樓、單幢樓、大西北,話唔會為上車而降低生活質素。請讓本人告訴你一個殘酷的事實,如果你的能力只能買舊樓、單幢樓、大西北,你冇資格講質素。如果你係打工仔,每日可以係屋企既清醒時間唔會超過6小時,有乜質唔質素?訓到朝早11點,然後先考慮今日返唔返公司打點一下,呢d就叫質素。
結論:先講資格,後談質素

7. 炒家炒高樓價
錯!實際係「買家買高樓價」。冇炒家唔代表用家會平賣俾你,有人肯接炒家貨,代表炒家有眼光,估計到未來樓價有水位,係先有購買力後有炒家。其實有買過樓都會知,買炒家貨好買過用家貨,議價空間比用家盤大,因為炒家係做生意,計好個ROI唔怕平少少賣俾你,但用家就皇帝女唔憂嫁,大不了住多2年先賣。再者,炒家買完一定賣,穩定供應,用家就有入冇出,炒家有時反而會有調低樓價的平衡功能。
結論:自願的價就係市價

8. 市區樓抗跌力強
抗跌力是大跌市時業主繼續供款的能力,因此,以下類別的物業抗跌力一定強:
一、        大部份業主已供斷的屋苑(沒有供樓壓力)
二、        大部份業主的買入價都很低(供樓壓力極低)
三、        業主真係好有錢(沒有收入壓力)
因此,老牌屋苑(第1類)、新界100萬上下的物業、半山豪宅的抗跌力一定高,其中半山豪宅最強。而老牌屋苑如太古城、美孚新村都位於市區,故產生抗跌力強的假象。
以下物業抗跌力最弱:
一、        被發展商食盡溢價的一手樓
二、        業主多數是高收入打工仔(一旦失業很難在短時間內找到同樣人工的工作)
三、        入伙日期接近爆破日期的物業
此三項條件可以同時出現。

9. 以外幣代替房地產作為儲蓄保值工具
QE配合部份準備金制度,令美元的流通量大幅增加,其他貨幣相對美元因此出現顯著升值。身邊有不少朋友考慮將港元兌換成人民幣或澳元搏升值。
首先,我不反對將手頭持有的少量現金換成外幣對沖港幣貶值。但若果手頭持有數十萬至數百萬港幣,樓與外幣2擇其一,則一定是選擇磚頭實物。
QE是聯儲局在帳簿上無中生有數以千萬億計的美元,其好處有四:
1. 刺激美國本土消費市場,改善失業,這個是官方解釋
2. 用貶值後的美元償還美國國債,借10蚊還7蚊,淨賺3蚊
3. 削弱以美元作儲備的國家之國力,尤其是與美國有大額貿易順差的國家,如中國
4. 增強本國出口的競爭力,尤其農產品
顯而易見,美國以外的國家為保出口貿易與及國家的整体經濟,必須參與印銀紙遊戲令本國貨幣貶值。澳元、人民幣和美元一樣正在不斷印銀紙,盡可能維持現有的美元匯率,由於澳元、人民幣不斷增加貨幣流通量,令本土物價上漲,坊間因而指控美國「輸出通脹」。澳元、人民幣及其他貨幣正在不斷印銀紙,不斷貶值是鐵一般的事實,香港人之所以會產生澳元升、人民幣升值的感覺,是因為美元港元的貶值速度更快。任何一個中國、澳洲的老百姓,在這一刻都會感到自己的貨幣在本國內的購買力越來越低,通脹猛於虎!
澳元、人民幣等貨幣雖然在近期相對港幣有顯著大額升幅,但相對實物例如物業甚至日用品,澳元和人民幣同樣是不斷貶值。將身家投放在澳元和人民幣,只不過是由一條賊船跳去另一條,到最後即使外幣有所斬獲,對實物的購買力無可避免一定會下跌,因為貨幣的供應增加速度遠超實物的生產速度。因此,我是極其反對賣樓買外幣的投資方法。但我要強調一點,人在社會生存一定要有一點現金,購買貶值速度較低的外幣作對沖我是贊成的。我所反對的是以外幣作為主要投資/儲蓄工具。
香港使用人民幣作為儲蓄工具還有一個嚴重問題,就是日限提款2萬元的限制。即使你在滙豐、恆生、渣打、中銀、東亞……等10間銀行各開一個人民幣戶口,提款或轉移100萬仍需時5個工作天。顯而易見,對香港人來說,以人民幣作為大額儲蓄貨幣現時仍然是不可行的。

10. 中國富豪的資金會徹離香港
要分析中國富豪為何在香港買樓買股,就一定要明白中國的國情。在中國要發財,一定要有人脈關係,所謂「關係」,說穿了其實是利益輸送,行賄送禮送女人。這些行為雖然是中國商界的基本功,但名義上其實是犯法的。在中國要發財而又出於污泥而不染,基本上是沒有可能,所有人都有犯法,甚至應說所有人都必須犯法。中國的富豪心知肚明中國是人治不是法治,都會怕有朝一日自己會變成第二個黃光裕或周正毅,突然有一天被人上門抄家,家財盡失,瑯璫入獄。財產只要仍在中國國內,都會有被完全充公的可能,為保獲家產,富豪必須將生意運作以外的錢偷運到境外(走資也是非法的),日後即是不幸在中國被抄家,仍然可以有資金行賄購買自由。否則一旦成為一無所有的階下囚,則一定永不超生。
因此,中國的富豪千山萬水把以千萬計的現金偷運到香港買樓買股,你要他把錢送回中國即是要他的命。香港是中國富豪的保險箱,只要香港的法制仍健全,行政司法仍獨立於中國大陸,中國富豪的資金是不會離開香港的。(國內同胞如欲轉載,請自行和諧)

補充:來香港買樓的大陸人,不限於億萬富豪。根據我所認識的國內朋友的親身經驗(100%真實冇吹水,我甚至有陪同睇樓),一些身家數百萬的小康之家,為求孩子能有香港身份證,又或者想追仔避開城管打胎,都會在大西北、北區購買低價物業作「生仔屋」給老婆養胎。這些生仔屋在完成任務後都會留在香港放租,不會變賣徹資,因為國內同胞不分貧富,都相信香港的法治精神能夠保障他們的財產擁有權。很多一日投訴到黑的香港人其實生在福中不知福。


後記:市場會嚴懲睇錯市既人,若果你覺得我的觀點係錯的話,就讓市場去懲罰我,同樣,閣下若果睇錯市,必須要有被市場嚴懲的心理準備。補充一點,沒有自住樓的租客,你們現時正在被市場懲罰,反不反省是你們的自由。


31. 海外工作港人 2011-11-18 09:52:57

王先生,又一篇劲作,谢谢 !!

获益良多

 

32. 代理 2011-11-18 10:09:45
有買貴,冇買錯,千金難買心頭好!
33. 抗通脹 2011-11-18 10:22:07

To: 王先生

佩服, 佩服! 又一篇好文章.

叫聲"王師傅" / "Professor Wong" 才恰當!!

34. 王先生 2011-11-18 10:31:24

最近有朋友層樓裝修,拒知道我識少少地產常識,就叫我幫手同拒租一個服務式住宅,想話搬開吓。 
其實拒要求係幾佰呎市區樓,可以俾萬多元一個月,一個人住有獨立廁所就得!   
          
寫到呢度,行內人仕應該笑左出黎,原來我上網揾左半日,唔係 400 呎要 25K以上,就係 12月中以後先有位!
終於在打左幾拾個電話,都俾我「挖」倒 2 個價錢近磅啲,而短期可入住嘅單位,點知上到去睇睇,話名 250 呎,
點知得翻 160 呎左右可以用,我朋友果廚房都大過拒,真係玩緊「窮富翁大作戰」,而且租金都要成萬銀!
          
朋友話睇埋下一間先決定,點知嗰間嘅裝修唔合朋友心水,個零鐘咋,打翻電話去先頭嗰間查詢,無埋!!
睇黎我朋友做硬吸塵機,或者日頭早返屋企就走落會所做運動,順便沖埋涼,晚黑就將就一下先!! 
          
從呢單件事之中我睇倒乜?就係「香港樓價過高係偽議題」!係啲政治人物老作點啲選民!!!! 
          
樓價可以吹泡沫,租金根本無得作,點解香港係咁上升?除左老生常談嘅:-   
通貨膨脹、買轉租增加租盤需求、年青人無首期焗交租-----之外,係有一班來自五湖四海嘅商人來港尋商機!!
          
有市區樓租俾人嘅朋友,或者有甲乙級寫字樓出租嘅人都會發覺,呢幾年有好多外國人或外國公司尋租,
國藉除左大路嘅西歐、美國、澳紐、日韓之外,仲有啲係南美、東歐、非洲----,我老細就有層樓租左俾巴西人!
          
呢啲外國人山長水遠走黎香港「屈居」幾百尺樓,就係來港揾商機,商機係大陸,香港就係橋頭堡! 
大陸嘅發展軌跡同所有新興國家同地區一樣,大陸仲有樣嘅着數過人,就係大把港資同人材肯回歸! 
          
大陸打後呢幾十年,就會由製造 / 出口主導,過度去由服務 / 內需主導!!   
任何 BIG 1000 企業唔來香港建立橋頭堡,以便進攻大陸龐大市場,不如將間公司「摺埋」好過!!! 
          
近來嗰啲有大型商舖在旺區嘅業主都會發覺,拒哋突然間中左六合彩頭獎,仲要係每一個月中一次果隻!!!
因為有好多外國大品牌,係咁抬住一箱二箱銀紙係拒哋面前「曬泠」,只求租得龍頭舖,不計代價! 
呢啲大型品牌如果單計營運肯定入不敷出,但點解拒哋都會做呢啲反智行為呢?就因為拒哋要打大陸市場!!
          
國際品牌係香港連一間似啲樣嘅龍頭舖都無,不如返鄉下耕田好過,係香港租舖嘅支出,當賣廣告咋!!!
          
係呢個大時代,長綫樓價點回???政府如果再係咁推啲古靈精怪嘅招數去壓啲樓價,棧益曬呢啲外資商人!!

 

35. 湯文亮 2011-11-18 11:13:44

各位早晨,

總人次﹕16,350

 

TO: 王先生

 

兩篇文章出現,可謂平地一聲雷,不少網友與我一起擊節讚賞`

 

我夠膽講,這兩篇文件中任何一篇可以作為博士生研究香港地產論文之指引,若果有研究生看此網站,應立即考慮。

 

我亦會以其中情節寫成文章,粗略估計,最少可以寫十篇,加上一些枝枝葉葉,只求大家喜歡。

 

今日我只出一篇文章反駁大C言論。

 

CY之第四篇﹕「浪花濤盡英雄」於明日登出,同時有星期六故事﹕荷花香,新月上

 

多謝!

36. TRON 2011-11-18 11:33:49

TO: 王先生

十分謝謝你的分享,很有看到青天的感覺!

37. 無樓一身重 2011-11-18 11:37:47
38. 王先生 2011-11-18 14:54:26

29樓----層樓跌幾成,銀行會唔會「滚攪」你,係睇你每個月係唔係準時還樓按! 
如果準時還款應該係好好嘅理由免被銀行「迫倉」,因為樓價跌得四五成, 
咁就唔係你個人問題,而係社會問題、政治問題!你好人好者準時還款都俾銀行「迫倉」,
大把人同你主持正義!      
        
還是嗰句,置業係人生最大決定,無咁大個頭,就唔好參與呢個「高危活動」!

39. 王先生 2011-11-18 15:17:06
做成大跌市的導火線係業主供唔掂樓,冇其他任何直接原因。
簡接原因可以係業主失業等等,但業主要選擇係跌市劈價賣樓,一定係因為供唔掂。(趁亂換樓另作別論)
抗跌力一定係睇有冇業主會供唔掂劈價。如果業主供得掂,市場價唔到心水價,大可以封盤唔賣,理鬼得佢有冇人買。
08年海潚好快就跌完,就係因為息低失業率低,大部份業主供得起都寧封盤不減價,趺左3個月就開始反彈。

做成大跌市的導火線係業主供唔掂樓,冇其他任何直接原因。
簡接原因可以係業主失業等等,但業主要選擇係跌市劈價賣樓,一定係因為供唔掂。(趁亂換樓另作別論)
抗跌力一定係睇有冇業主會供唔掂劈價。如果業主供得掂,市場價唔到心水價,大可以封盤唔賣,理鬼得佢有冇人買。
08年海潚好快就跌完,就係因為息低失業率低,大部份業主供得起都寧封盤不減價,趺左3個月就開始反彈。

 
‹ 返回