主頁 / 按揭文章 /

五年後樓價升五成,一天光晒

瀏覽人次:36377    回應:44

文亮語

五年後樓價升五成,一天光晒

 

湯文亮博士

紀惠集團行政總裁
2017年11月17日

  近日樓市專家對樓市前景非常看好,有專家表示,五年後樓價升五成,不少人認為有誇大之嫌,但我認為他是比較保守,因為有另外一位專家話在未來半年,樓價會上升一至兩成,有老友問我應該相信哪位專家,我話如果打算買樓就要信,唔買就唔好信,其實,樓價在未來半年上升兩成都沒有用,又唔可以賣走,因為要付SSD,但樓價在五年後上升五成就唔同,如果是真的話,就一天光晒。

  兩位專家現在替樓市打強心針,目的是令到更加多人入市,如果樓價在五年後上升五成,令到那些現在採用高成數按揭買家在三至五年之後,地產商不再為他們提供按揭,他們可以回歸至銀行體系,可以取得正常的按揭貸款,這真的是功德無量,所以,我雖然不同意在未來半年樓價會上升一至兩成,亦對五年後樓價升五成有所懷疑,但仍然希望他們的願望能夠實現,那些用高成數按揭買家有機會舒憂解困。

  如果樓價不繼續上升,或者只是保持平穩,現在採用高成數按揭的買家在到期的時候就會很麻煩,除非他們在其他途徑得到足夠資金,否則,就算地產商不要他們即時還款,但一定會提高借貸利率,而我估計,屆時利息最低限度比現在高2至3%,加上要付地產商高息,保守估計,他們大約要付8至10%利息,就算問地產商借300萬,還給地產商利息每個月就要25,000元,不是太多人可以負擔得起,尤其是那些買了納米樓的人,所以,五年後樓價上升五成是現在採用高成數按揭業主的一個寄望。

  我講大家未必會相信,兩位專家最多只有一個能夠預測準確,如果半年後上升兩成,樓市已到位高勢危,很大機會會向下調整,而且需要一段時間才可以令跌勢緩和,要一段長時間可以止跌回升,五年後樓價升五成的機會不大,倘若現在樓價保持平穩甚至下跌,在基礎穩定之後,樓價真的是有機會五年後上升五成,如果是我做預測,我就會說,如果樓價在未來半年不能上升兩成,五年之後就會上升五成,五年之後,大家都不會記得今日的預測。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 真真薯片 2017-11-17 10:03:24
如果5年後長沙灣地王賣樓賣3萬蚊呎, 對比全城匯賣價, 其實唔止升五成

不過在下同意博士所講, 想升五成, 先要跌兩成, 如果2018跌兩成, 跌到冇人再提樓價會升, 加埋如果林鄭高調宣佈勝利打擊樓價成功, 咁之後樓價反彈五成就幾成定局
2. 神外 2017-11-17 11:14:51
計劃經常趕不上变化,所以真喺要先了解自己有冇處理变化嘅能耐先好入巿
3. 我要說: 2017-11-17 11:23:14
《沒錢和不够錢者不得入内参觀;身懷七百萬及貴婦狗兒者,除外》此扁一出,泉下郭,馮二老大驚一呼#敗#急急請來李小龍出脚幫忙!老大沒用陰陽相隔!怎麼辦?老大無奈輕嘆"好彩老四還在"黯然回首对面亭子有人舉怀向青天:祖國的富豪啊三十年前在那裹?香港的富商六十年前又如何?你們有現在!更會有將來!但是你們沒有過去!可惜現在!不惜將來!珍惜過去!二老行前一望原來古龍老弟又醉了!!!!
4. 準備入市的80後 2017-11-17 11:59:12
開始搬龍門去5年後. 

那按博士之言, 是否要現在準備買的人, 又多等5年, 摶一摶樓市會否跌?
5. 真真薯片 2017-11-17 12:41:46
老實講, 如果租緊樓等上車, 依家買又驚, 唔買又驚, 正苦配合地霸一唱一和, 供應永遠唔到位, 地霸囤貨善價而沽, 市好, 地霸賣現樓, 補農地地價, 市差, 地霸就罷賣現樓, 平拍官地增強防守力, 無論升跌, 地霸都一定贏, 反而小市民, 一捉錯浪, 買錯時機/應買唔買輸租, 好易一輸就輸十年人工, 呢個就係香港社會既運作模式
6. 浪子心聲 2017-11-17 13:14:00
大家真係覺得政府會讓「樓價先跌兩成後再升五成」,如果林太真的這樣想或讓這情況發生,她如何向中央交代,即是2022年的CCL約240,情況和CY上年不能參選連任特首差不多的形勢!!從政治角度分析,這可能性真不高。博士都係同大家講吓笑啫!

我個人認為政府會珍惜今次樓價的調整,在樓價下跌時亦會繼續保持適度的供應,同時亦不斷開發土地增加儲備,有了足夠的土地儲備,政府就能輕易調控樓市,總體來看香港樓市5年後應趨向穩定發展,樓價高增期已一去不能復反。

7. 回6樓 2017-11-17 13:29:51
6樓認為樓價會跌幾成?
8. Jo 2017-11-17 14:52:47
只跌回升->止跌回升
9. 真真薯片 2017-11-17 15:06:04
240難d, 但係先跌兩成去130左右再反彈5成上190-200唔係冇可能

林鄭連任機會唔高, 睇往續, 做晒兩任十年既機會率係零, 如果林鄭由得樓價升到200然後拍拍屁股鬆人, 你真係吹佢唔漲
10. Admin 2017-11-17 15:22:41
謝謝8樓Jo, 文章已修正。
11. 中原劉晨 2017-11-17 17:10:26

講風險,任何投資都有風險,就算揸現金都有購買力縮水o既問題,都係風險。若果講長遠一D,供死會o既風險最大,因為係total loss(無晒),點解D官員又唔講,可能佢地有政府宿舍或者房屋津貼,根本未驚過!所以咁離地,唔知道小市民驚未過!

 

香港好多官員,都有政府供應o既宿舍以至官邸,大官住親多數郁下郁二千呎以上,點會諗到本港草根階層市民為居住豆腐膶捱得咁辛苦呀?所以佢地咁堅離地,係有理由o既,佢地都未捱過,唔知民間疾苦,講埋晒D「九唔搭八」o既說話。若果畀D激進派講劉晨呢一句,一定係用「風涼話」甚至踩得更盡的去形容,不過劉晨唔會咁砌D官員,尤其是對運輸及房屋局局長陳帆同發展局局長黃偉綸兩位實幹派局長。做人凡事留一線日後好相見,故此批評官員都例不開名,等大家都有彎轉。

 

租樓,所畀o既租金猶如潑出去o既水,全部有去無回頭,交租幾十年後轉頭空,一定係供死會。當然你可以講住o左幾十年樓,都已經抵番,不過若果係將租樓o既錢當係供樓,咁樣就係第二個答案。

 

買樓二三十年後,供完樓點都叫做有舊「磚頭」,係「資產」,可以拎去銀行「當」,甚至拎去當舖「舉」!就算未供完,多多少少可以變現江湖救急。你試下拎張租單去銀行借錢,睇下有無人睬你,慢打手銀行打電話報警話有個傻佬騷擾佢地!

 

租樓同供樓,中間過程幾乎一樣樣,只係差o左首期呢一筆,結局分別就咁大,有得買樓一定揀買樓,無得傾!

12. 升浪現在開始 2017-11-17 17:28:35
香港樓價升幅遠遠落後深圳。華為及騰訊已有以人數萬計的高收入員工買得起港樓。五年後中原指數不升穿300,林鄭已算有交代。

騰訊每年增值萬億計,產生的財富効應驚人。

香港樓價的升浪,現在只是個開始。
13. 香港土著 2017-11-17 17:33:12
CCL200, 即係五年'淨升'25%,已經唔係何專家所講數字...  再講,五年25%,即係三年15%,哩個數應該唔夠力推人上車,咁何專家點收財演費呢?
14. 真真薯片 2017-11-17 18:50:42
照咁睇, 如果5年後CCL 200, 林鄭應該勝利宣佈調控樓市成功, 中央要升佢做國家領導人以示獎勵(難怪689任內升左咁多)
15. 傻牛 2017-11-17 19:12:26
現在茶餐廳奶茶$16一杯,每年加一蚊,五年之後加價至$21一杯,大家覺得冇問題。

午餐肉$16一罐,每年加一蚊,五年之後加價至$21一罐,大家覺得冇問題。

為什麼有人會認為樓市唔會在5年內由 CCL160 升至 200以上?為什麼有人會認為,樣樣都可以升,就是樓市跌?

🐮
16. 林鄭有料到 2017-11-17 19:57:06

長沙灣地天價批出,西九龍二手市場即時起哄,大量業主反價封盤。有指九龍站凱旋門一個全層單位,獲買家洽至尾聲,呎價逾10萬元,挑戰九龍區分層單位新高呎價。

市場消息透露,凱旋門摩天閣一個極高層全層共3個單位(A、B、C),實用面積4,566平方呎,由一個本地老牌家族持有,原本叫4.3億元放盤,日前有買家出價洽購,大業主反價至4.6億元才首肯出售單位,交易將以公司股權轉讓模式進行,買方可節省最多約1.38億元辣招稅,若交易順利完成,單位呎價達100,745元,屬九龍區呎價最貴單位,打破項目去年底保持的9.9萬元高價紀錄。

没有最貴,更加貴的在後頭。支持林鄭连任!

17. 浪子㸃解咁窮 2017-11-18 08:54:46
浪子老咗要瞓街的原因,就是佢一生人每年都可以接受各樣野不斷加價,唯獨記為樓價要不斷下跌。想唔窮都難。
18. 浪子心聲 2017-11-18 14:17:40
17樓,我住豪宅,身家千萬都算窮人,香港就不是得19.9%窮人,而是99%人都係窮人喇!!
19. 樓淡的報應 2017-11-18 14:31:25
2003年至今香港樓市無情的挾淡倉挾到現在,沽空了自住摟等跌的樓淡已經輸到連人生都輸埋。何苦!
20. 回18樓浪子 2017-11-18 14:35:47
千萬在香港只能買西營盤200尺劏房,重好意思話自己不是窮人。你們這些樓淡身家唔厚,但面皮好厚。😛
21. Kitty Lau 2017-11-18 16:24:47
身家千萬住市區700尺以下舊樓吧,雖然算不上窮人,千祈唔好以為咁就係富人吖,更逞論係1%之內富人?
22. 浪子心聲 2017-11-18 16:44:05
19和20樓,你們的邏輯思維,真係笑死入!!
23. 淡友的逻辑 2017-11-18 17:31:38
對逻辑来講,租樓租一世一定好安全好安定。所謂租樓日日賺。
24. 市民 2017-11-18 19:01:55
賣咗層政府樓都有半千萬,租間豪宅住過引吓,日子一路過、年紀一路大、人生到頂峰、收入往下走,環境每況愈下只好愈住愈細,愈搬愈偏最壞可變埋露宿者。有千萬身家住豪宅,續多幾次約就見真章前景不容樂觀。
25. 浪子心聲 2017-11-18 19:12:37
Kitty, 我只不過話我唔算「窮人」,我無話我係「富人」喎!

我個人的價值觀是「富人」我就不一定要做,但我就立志要做個「貴人」,唔做「賤人」。

「貴人」和「賤人」的定義是「助人者貴,弄人者賤」,所以我的留言只是希望幫助他人更瞭解事實,不會誤導他人。

「貧富」除了用財富分別,還有令一個定義,「知足者富,貪心者貧」,從這個定義香港好多有錢佬都唔一定係「富人」,好多可能都幾貧㗎!!


26. 浪子心聲 2017-11-18 19:31:54
各位地代們,我這段留言都好中性啫,無殺傷力,為何要咁多人身攻擊啊?

其實只要你們 不人身攻擊我,基本上唔會有好多人留意我啲留言!!

大家真係覺得政府會讓「樓價先跌兩成後再升五成」,如果林太真的這樣想或讓這情況發生,她如何向中央交代,即是2022年的CCL約240,情況和CY上年不能參選連任特首差不多的形勢!!從政治角度分析,這可能性真不高。博士都係同大家講吓笑啫!

我個人認為政府會珍惜今次樓價的調整,在樓價下跌時亦會繼續保持適度的供應,同時亦不斷開發土地增加儲備,有了足夠的土地儲備,政府就能輕易調控樓市,總體來看香港樓市5年後應趨向穩定發展,樓價高增長期已一去不能復反。


27. 落錯車 2017-11-18 19:33:35
有一仟萬係手嘅人
唔好比我估中
又係沽自住樓等跌
你千祈唔好黑心望核戰呀
話時話
你要跌幾多先再入市
28. 儍牛 2017-11-18 20:11:13
浪子兄租住千萬元的單位,月租兩萬左右吧,一年24萬,計埋未來的加租,十年就300萬。

容許我代你業主說一聲多謝。

🐮
29. 卡樂B 薯片 2017-11-18 20:22:45
浪兄學下我兄弟,買層樓自住啦,地價都萬七啦而家⋯⋯
珍而家低水,平平地入返間沙一395都好啦⋯⋯

30. 浪子不了解國情 2017-11-19 00:53:34
深圳樓價十年升十倍,上海樓價二十年升二十倍,北京升到都唔知㸃計。香港樓價比二十年前1997才升雞碎咁多。香港樓價將來平過大陸二線城市就可以同中央有交代?

老董成功地令到香港樓價中學畢業生都買得起(大角咀中匯街舊樓三十萬就買到),結果你認为佢對中央有交代嗎?

澳門樓價14年升咗二十倍,中央覺得澳門特首十分有交代,中央對澳门發展十分满意。

看來浪子對國情一無所知,思維混亂,怪不得多年來一再誤判香港樓價走勢。

31. 引刀一快 2017-11-19 01:08:34
吓?乜話?中央政府想樓價上?

咪玩喇。
32. 引刀一快 2017-11-19 01:13:44
To 28樓 傻牛

十年分期俾三百萬,遠不及一筆500萬首期再個個月兩萬幾。

揸住500萬喺手,息都收到廿幾萬喇,唔該。
33. 浪子心聲 2017-11-19 02:24:58
多謝引刀兄相助,其實除非不看好中國,否則中國和香港必會更進步,更象一個先進的國家或城市,在這些成熟的已發展國家或城市都唔會有大的居住問題,在這些城市大多數市民都買得起一般的住房,只會買不起豪宅,不會象香港現時的情況。

因為房屋問題是關附國家和社會的穩定,解決唔到都係死路一條,到時樓市都一樣無運行。

由於我看好中國和香港,所以房屋問題必能得到解決,只不過是快定慢的問題,我相信習主席和林太任內已能大大改善這問題。


34. 引刀一快 2017-11-19 03:25:42
浪子心聲兄

往後的日子,你還會面對很多無理責難、嘲諷、以及人身攻擊,請繼續說出你所想所信,辛苦你了。
35. 淡友的迷思 2017-11-19 07:52:31
好似引刀同浪子這樣的窮淡真的是冇得救,郁下就望政府,望偉大領袖打救,且對香港樓市完成不曉,天真爛漫地認為樓價平就有望人人置業,家家上曬車,

大佬,當年老董已成功把樓價打殘咗7成,依家賣600萬的東九樓王淘大花園兩房當時跌到60万都冇人吼。貝沙灣4千一尺有找,平到大家見到都驚,認為不如等跌到2千一尺才出手。貝沙灣啊大佬。

香港地樓價平絕對不會吸引人置業。樓是用來住的!每一次我聽到這一句就好笑。

人貴自知,自欺欺人不會改善自己的生活。
36. 落錯車 2017-11-19 10:30:30
500萬港幣能收廿幾萬利息
這不是誤導嗎
37. 落錯車 2017-11-19 10:30:30
500萬港幣能收廿幾萬利息
這不是誤導嗎
38. 儍牛 2017-11-19 17:34:43
介紹浪子兄睇正義聯盟電影,入面有好多英雄,超人啦,蝙蝠俠啦,神奇女俠啦,數之不盡,總有一個可以幫到你。

我呢?就唔信乜嘢英雄。自己辛辛苦苦買層樓自住,再買多幾間收租,自己食自己,唔旨意政府,唔旨意英雄,靠自己。

呢度個個好友都同我一樣,係靠自己苦幹,每一分一毫咬開有血有汗,最睇唔起嗰啲得把口嘅人,佢地自己顧唔惦自己,仲妖言惑眾,誤人子弟⋯⋯ 好多人就係信錯D淡友,有車都冇上,悔不當初⋯⋯

🐮
39. I am nobody 2017-11-21 07:41:45
浪子真是孺子不可教也!
40. I am nobody 2017-11-21 07:41:48
浪子真是孺子不可教也!
41. 2018-03-31 15:25:27
最好政府立法業主租金稅,等抄楼者不可買多收租,讓市場有雖要人可上車
42. 2018-03-31 15:30:15
最好政府立法業主租金稅,等抄楼者不可買多收租,讓市場有雖要人可上車,如租金回報不理想就不會楼价過高
43. 三年後升五成 2018-03-31 15:47:16
以博士寫此篇文章的時候計起,不用五成,看來四年已經可以升五成。一天光曬。
44. 五年後 2022-10-31 20:09:09
現在五年後,樓價還原基本步。 不過情況特別,當然不能作準。
 
‹ 返回