主頁 / 按揭文章 / 還息不還本,治標兼保本
瀏覽人次:11912    回應:21

文亮言

還息不還本,治標兼保本
 
湯文亮博士
紀惠集團行政總裁
2020年2月10日

  近日,不少人喜歡將澳門與香港兩位特首比較,唔使講一定是林鄭給賀一誠比下去,我認為毋須比較,人比人,比死人,香港澳門兩地背景不同,在施政方面,香港有著無數衝擊以及掣肘,不及得澳門那麽單純,想做就去做,做唔啱最多就做過,香港特首做唔啱,一定會受到不少攻擊,不過,除了特首之外,其他地方澳門有時比香港行先幾步,又唔到你唔服。

  在武漢肺炎未肆虐之前,香港已經被激烈社運衝擊,除了少數的行業外,其他大多數都受到損傷,但政府視若無睹,只識得發放一些小恩小惠,根本對做生意的人沒有幫助,他們第一件事就是要求業主減租一半,我識得不少業主,他們不是不想減租,但是冇能力減租,因為如果他們減租,即是收入減少,供樓也有問題,如果不能準時供樓,銀行有權沒收所按物業,變成銀主盤後再出售,售價當然會低過市價很多,結果影響到樓價下跌,所有業主都受到損害,但政府無動於衷,不肯放寬逆週期措施,理由亦冠冕堂皇,就是可能影響到香港金融體系的穩定性,有此理由,業主們唯有死守下去。

  武炎事件出現,澳門突然宣布所有業主在半年內可以還息不還本,此舉真的是將香港比下去,有人話還息不還本唔幫得幾多,小動作而已,我認為還息不還本,治標兼保本,以一個問銀行借了1,000萬的人,年息3%,分25年還款,最初每月要還47,421元,當中25,000元是利息,22,421元是本金,但過了5年之後,每月還款中,利息是21,441元,本金是25,979元,或者有一些循環貸款人士每年要還當日貸款金額4%,如果暫時不用他們還本,我相信大大舒緩了供樓人士的壓力,絕對不是細眉細眼,不過,無可否認,這是一個治標方法,至於保本方面,銀行不用客戶還本,無形中多做了大約3%按揭金額生意,這不是一個小數目,尤其是現在時勢,無人買樓,又點會有人借錢。

  現在金管局亦開到聲歡迎銀行為客戶提供一些舒緩解困的方法,銀行亦應積極考慮,至於幾時放寬逆週期措施,隨遇而安啦。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 治標兼保本 2020-02-10 10:51:07
既然咁正, 何不澳門本土永久居民只要持身分證便可發行永續債? 金融中心一晚便搞起來, 再等好鍾意排隊嘅香港人去競投鬥搶。
2. 十一哥 2020-02-10 10:55:34
還息冇洗還本、馬交佬阻住收買佬、放數佬最喜歡…還得起息最好盡量唔還本。


4. 鳥5 2020-02-10 11:34:41
銀行有位走既。。年尾資產負債表先到期Check倉。先穩住抵押品價格。轉頭call窿,( 補返一級資本條數,唔通股東比咩?)我講既。創造安全空間。部署好客call窿先啦。。。唔講都講埋。減辣。。將會係先升後長跌。計下數就知啦。人人書啲計劃。我講嘅。。未上車千祈唔好上車....
5. 鳥5 2020-02-10 11:36:48
刀兄,大陸中醫國家隊介入同上次一樣,自愈大幅上升。。又係玩中西合璧
6. 鳥5 2020-02-10 11:42:49
仲諗住啲生意變返以前?會唔會諗多咗啲呢?
7. 鳥5 2020-02-10 11:48:40
大陸就真係正式轉型。呢啲時間放水一萬二千億落實體。。。18個月頭宇宙唔同曬。雪中送蛋糕。轉型提速。香港同大陸嘅增長。今次事件會變得更加鮮明5同。
8. 鳥5 2020-02-10 11:55:38
在下上年年中港。。未來兩三年。只要唔舒。你就係贏。。冇欠債,你就係一個贏家。cash is king香港滯後大陸年半。。出年到
9. 鳥5 2020-02-10 12:05:11
地霸今年仲係肥仔,出年都係。不過要打腫自己塊面。地霸要融資。冇5厘一年咁嘅事。。。
10. 十一哥 2020-02-10 13:35:27
雀仔   十X哥呢個地霸有D唔同、九龍灣縮番條鋼教個債仔流標、7成半業權有D囉唆..令佢靚價走咗件重貨、收埋大把水…放數比行家息口8厘起跳、點睇 ?

11. 十一哥 2020-02-10 14:10:05
雀仔   真係唔好全面灰、QE冇止境..還息好輕鬆、大國早有共識…放手就齊齊過堂…冇邊國走得甩、正就係枕住風聲鶴唳…令人知危就不險。

12. Lepton 2020-02-10 14:35:15
反映香港全民炒樓,政府不得不托市,如果我有樓就趁早沽,到時政府唔托,走都走唔到,2024年再買番都未遲。
13. 真真薯片 2020-02-10 14:54:41
如果銀行用借多年條數黎跑左今年條數,咁今年地代可以食鞠種
14. 鳥5 2020-02-10 16:18:10
真真兄'政府減辣,每減一朝二手成交多三成。市場會有一手趨向二手主導。。。反而仲好做。特別係經驗agent。新人做一手。有運就得啦。咁講你會明當年都係咁。。。凡事有危有機,位置唔同。適當時候做適當事情亦各有不同。。。所以唔好灰
15. 鳥5 2020-02-10 16:23:59
股票市場嘅科學數據。年波幅越大。不論升跌,成交就會多。。珍珍馨,通咗水畀你㗎喇。
16. 鳥5 2020-02-10 16:30:12
十一哥你冇計入中聯辦換班D副牌。97後第一次洗牌。。。唔講咁白
17. 每減一朝 2020-02-10 17:38:09
雀哥, 要減蕉真係有啲難, 難到要跌到 2012 水平? 暗渡陳倉的加按保已是負爛蕉, 其高潮只是頂了兩期 Lucy 指數, 果期買左都唔知典算?
18. 鳥5 2020-02-10 19:02:01
17F,銀行而家係創造安全空間,目的係保自己先。有時間,有秩序既跌浪(其實係5問題)。但如果5補倉。。咁5諗銀行5會同你賭。。而家每個人既行業,Card payment. Record.. 佢嘅數據係永遠領先政府。。。Right!
19. 鳥5 2020-02-10 19:08:49
如果每隔幾年,分幾個人輸首期。根本就冇問題。a轉去邊B.啫。。係咪。。地覇5會劈死自己啫。。不過地包團隊自己行家要玩蚊棚咁,就另計。。不過歷史通常係有!因為生意唔係道德,道義。。
20. 鳥5 2020-02-10 19:19:21
17F.點樣加辨上嚟,就點減返落去。冇乜政治難度㗎噃。。。不過加辨啲人以為樓價跌。減辨啲人以為升啫!啲人到時又唔知賴啲乜。。咁我又真係計唔到喎
21. 新逆週期措施 2020-02-10 20:58:11
依家系跌市,所以政府推出的逆週斯措施,當然系救市的甜招, 包括鼓勵港人買樓的負印花稅。買樓不單不用俾印花稅,重調轉有政府津貼,應該可以重新激活樓市。
22. 救市的甜招 2020-02-10 23:04:36
根據以往的經驗,加辣越加越升,加甜越加越跌。
 
‹ 返回