主頁 / 按揭文章 /

財仔與客戶的蜜月期即將過去

瀏覽人次:25674    回應:28

文亮言

財仔與客戶的蜜月期即將過去

 

湯文亮博士

紀惠集團行政總裁
2018年11月8日

  有老友本來做開正行生意,但在幾年前,因緣際會下借錢俾人買樓,發覺原來咁好利潤,由於有物業抵押,亦非常安全,後來索性成立一間財務公司,攞正牌做財仔,我知道之後曾經對他說千祈唔好做財仔,因為做了財仔之後,對任何生意都沒有興趣,老友話做財仔只不過是業餘,不會影響主力生意,但過了不久,老友連生意也賣掉,主力做放債的財務公司生意,仲笑我做收租佬,本錢大而回報低,根本不是生意,我不敢反駁,唯有話見仁見智。

  財務公司在2014年之後大幅增加,不少經營者是有正行生意,財務公司只不過是副業,但正業的風險大,回報低,根本不能夠和財仔相比,所以有很多人好似我老友一樣,索性將主力生意結束,全力經營財仔生意,但是他們不知道,財仔生意是先甜後苦,嘗過甜之後,苦的一面就會呈現出來,老實說,一般人以為財仔生意很容易做,我只同意一半,借錢俾人當然很容易,但收債就很困難,正如雍正話企著借錢出去,跪著都未必能夠收回,就算有物業抵押,要將抵押品變回現金,不但過程繁複,而且未必可以全部收回,隨時會出現可觀虧損,真的是有苦自己知。

  有很多人認為,雖然香港樓價高企,但由於有逆週期措施,銀行為物業提供的按揭成數非常低,基本上沒有危險,但我覺得很奇怪,那些人沒有理由不知道,現在不少買樓的人是向財務公司借錢,買新樓不在話下,地產商的財務公司會提供免壓力測試的高成數按揭貸款,就算買二手樓的人,亦很容易找到財務公司為他們提供按揭貸款,他們是高危一族,樓價倘若節節上升,還可以延後爆煲,當樓價平穩甚至向下,危機便會出現,無論財仔以及客戶都會嚐到苦果,而現在我們不時見到有劈價銀主盤出現,雖然數目還不是很多,但從跡象來看,劈價銀主盤會愈來愈多,財仔與客戶將會售價上出現爭拗,甚至要以法律行動解決,這表示財仔與客戶的蜜月期即將過去,雖然未必會兵戎相見,但以後一定是陌路人。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 十一哥 2018-11-08 09:26:14
財仔真正東家唔易做、點都要靠古惑又有力嘅馬揸fit、呢類物種好難駕御、順風順水…東家最多得個合理回報…有凸就一定揸fit食大份、債仔唔生性…東家就要識做補足糧草。

2. 十一哥 2018-11-08 09:33:28
有銀又夠食夠用、買老實又高息嘅股票啦!一樣係人地幫你打工、不過就肯定揾幾多都冇絲絲罪究感、亦冇洗招呼咁多人事政府手續。

3. 十一哥 2018-11-08 09:40:41
呢度大部份友仔都覺得股票揾笨7、咁睇你係買賭股收息做納米士丹利~定係過江同佢鍊過~嘅分別。


4. 香港土著 2018-11-08 09:55:07
皓畋首宗損手放盤為1座低層戶,實用681方呎,兩房另加書房間隔,業主2016年5月以一手價約1,359萬元買入單位,今年2月收樓上會,由大眾銀行提供一按上會,再向一間財務公司承造二按,貸款1,120萬元。此外,業主亦將物業抵押予另一間財務公司,私人借貸140萬元,年息14.4厘,分84期還款,每月供款約2.6萬元。

代理表示,業主現蝕賣,開價1,300萬元求售,低於2016年買入價,但10%額外印花稅(SSD)由買家支付。
5. 香港土著 2018-11-08 09:59:34
類似上述個案,近年非常普遍。陳德霖話金管局了解市場狀況,聲稱高按借財仔問題唔嚴重......

到底陳總何解要扮掌握大局呢?耐人尋味。
6. 問題唔嚴重...... 2018-11-08 10:17:04
此個別事件乃個別事件。
-完-
7. 十一哥 2018-11-08 10:26:50
估計未來5年唔會發生97-03嘅大大活、而家係高手策騎、留放全面掌控、息口高低主觀早有決定…客觀理由係作出嚟…滿足大家。

8. 真真薯片 2018-11-08 10:57:54
近年住宅價格飛升,好多人有一層自住樓,心入面覺得自己係富豪,有資格升級享受富豪式生活,財仔睇準機會,大筆借錢比呢d業主消費,為財富(債務)加冕,實情係當業主還唔起既時候,就收樓幫業主賣樓,從業主手上攞走樓價升幅既賺價,變成唔洗買樓,一樣可以賺到樓價升幅
9. 一樣可以賺到樓價升幅 2018-11-08 11:10:48
低息令人目盲;馳騁畋獵,令人心發狂;難得之貨,令人行妨。
按注碼計會非常驚心動魄, 希望按比例計不會同比跌。
10. 鳥5 2018-11-08 11:12:56
holding power  一词,係有内函。。。D野左急跌,就5到你 狠。。。唉!
11. 鋪災 2018-11-08 13:05:07
【信報】指,海航傳1億沽銅鑼灣舖,蝕2000萬。去年開始傳財困的海航集團不斷出售在港物業變現,市傳其持有的銅鑼灣yoo Residence地下連1樓舖位,以約1億元易手,料須蝕約2000萬元。市場消息傳出,銅鑼灣yoo Residence基座舖位,當中包括地下A舖連1樓及地下B舖,建築面積分別6720方呎及631方呎,共約7351方呎,有指以約1億元售出,呎價約13604元。
12. 腥港人 2018-11-08 16:04:35
黑心都係咁講,借定唔借?還得到,先好借。
問題唔止係漲潮定退潮,係幾多人無著褲落水,如果大家都乖仔,跟任總陳總規則玩,打夠厚底,的確唔會爆,但呢班人會唔會比無著褲嘅人累死?
13. 鳥5 2018-11-08 17:12:48
12/F,歴史不嬲係咁。。08美囯都係咁。。。是故香港66%,供繼 so what?慢跌啫!冇 系統風險啫。。。但 不代表底部唔係一樣
14. 鳥5 2018-11-08 17:18:50
你只要想一想, 20年後有冇條傻瓜 高價接你件貨  ,你找數 後,又可以退休。 而家根本就冇人肯生,九七之所以咁勁 因為八零七年 啲人係咁生仔 , 日本已經反映咗 而家仲係高位樓價一半
15. 鳥5 2018-11-08 17:22:40
過去八年係無限資金挑戰有限資源
16. 鳥5 2018-11-08 17:36:39
你梗係講緊香港邊班人要找數 ,唔係唔使找數 政府,基層,地板,....如果你認為 大陸人幫香港 高位接貨..... 咁我就話你聽呢一兩年根本就係調轉
17. 鳥5 2018-11-08 17:39:44
诲航,上源,5係獨立 偶發
18. 自我陶醉 2018-11-08 17:41:55
海航呢啲垃圾,一早話咗佢唔掂,落視點下場有板睇,唔洗清盤已經算佢好彩,個市再差啲連蝕讓都冇人要。 傻嘅先會盲目崇拜中資兩個字。哈哈哈!

19. 鳥5 2018-11-08 17:43:33
咁講會清楚啲 一間屋 唔會得一隻曱甴
20. 鳥5 2018-11-08 17:48:50
再打個比喻,而家你出尖沙咀大陸人客係多咗,但 個個都空手道 長 客冇闊客。。。。
21. 鳥5 2018-11-08 17:59:04
如果呢個聲浪 你冇份 咁我覺得輸冇你份 咁樣叫做合理
22. 望東樓 2018-11-08 18:44:39
雖然Yoo嘅位置係靜中帶靜,但係話晒都係銅鑼灣,有乜可能會賣到屯門價?唔知有無高人解畫?

信報仲話Yoo頂樓複式『特色單位』海航放售三億五,只係係咁意微賺五千萬。呢度咁多好友不妨出五個億頂頂佢吖?

早幾個月大家仲話唔駛驚,萬大事都有北水射住。點知真係被射了。
23. 十郎 2018-11-08 18:51:27


      21樓 ------ 我冇賺過呀 , 但係輸就幾難冇份。例如收遲左租 , 什至收5到租 , 算5算損失 ?

      原來 " 空手道長 " 咁樣解作。

24. 香港土著 2018-11-08 20:05:08
Yoo真係萬三一呎的話肯定係神deal,但又唔需要驚訝,阿公貴買友好爽接,國情也。
25. 真真薯片 2018-11-08 20:49:15
係大陸做生意,最好賺係賺阿爺錢,當然,唔係人人都賺得既
26. 鳥5 2018-11-08 23:16:17
真真兄,所言甚是,不過有政治風險尼?换珑?而家官 拉曬,國內穿窿條數 海外班水寶,。。 而家唔係淨係香港撤資呀 追压提速呀 大佬。。 搞唔掂拉人。。。
27. 鳥5 2018-11-08 23:23:34
向國家資本体制下,最後, 牛鬼蛇神,莲貪官D水 都係入國庫 大陸而家玩閘水行先,拉人行後,咁講大家明'。 清官奸昆貪官 明唔明。。。
28. 鳥5 2018-11-08 23:27:35
習生幾年前講嗰一句打鐵還需自身硬 ,唔好話的貪官恰鳩你啲清啲咁講你。。。
 
‹ 返回